Samanber áhrifaþætti heilbrigðis regnbogann (sjá forsíðu) geta  fjölmargir þættir í umhverfi og aðstæðum fólks haft áhrif á andlega, líkamlega og félagslega heilsu og líðan og hversu auðvelt holla valið er. Gátlistar HSAM innihalda viðmið um þá þætti sem þekkt er að skipta hvað helst máli og hjálpa til við mat á framvindu þeirra. Hér fyrir neðan má skoða alla gátlistana í heild sinni en hvert og eitt sveitarfélag getur unnið með þá á sínu vefsvæði.

Gátlistar Heilsueflandi samfélags eru sjö talsins og innihalda viðmið um skipulag HSAM starfsins og hvaða þætti ætti að leggja áherslu á þegar skapa á umhverfi og aðstæður sem stuðla að heilbrigðum lifnaðarháttum, heilsu og vellíðan fyrir öll (sjá Regnbogann). Viðmiðin eru metin á likert skala frá 1-5, þar sem 1 = ekki komið til framkvæmda, 2 = að litlu leyti komið til framkvæmda, 3 = að hluta til komið til framkvæmda, 4 = að miklu leyti komið til framkvæmda, 5 = að fullu komið til framkvæmda.